|
|
|
E-learning
Storia del regno longobardo
in Italia
a cura di Stefano Gasparri
per il corso di "Antichità e Istituzioni
Medievali"
Università "Ca' Foscari"
di Venezia
Facoltà di Lettere e Filosofia
a.a. 1999-2000
2000 - Stefano
Gasparri per "Reti Medievali"
16. Patto fra i Longobardi
e i Comacchiesi (715)
In
nomine domini dei saluatoris nostri Jesu Christi die X mensis magii
indictione XIII Ticino, tempore Lihutprandi regis.
Capitolare porrecto a nobis cunctis fidelibus Longobardorum, vobis Lupicino,
uenerabili uiro presbitero, simulque Bertarene magistro militi, Mauro et
Stephano comitibus et per uobis cunctis habitatoribus Comaclo, qualiter
debeatis uestrum peragere negotium homines uestri in partibus nostris seu in
modiis quamque in preciis simulque ripatico pro eo quod antiqua consuetudo
ab auctoribus nostris praeferam. Judicia homines uestri pararunt; nunc
quidem deo auxiliante remota sunt, ut pacis temporibus pars parti
perfruamur. Inprimis porto Mantuano praeuidimus confirmare riparios tres, et
quicquid miles habuerit ad uescendum, hoc et riparii cum eis commedere
debeant; modio uero pensato libras triginta, cum quod suum peragat negotium;
decimas uero dare debeant sale modios XVIII, et tremisse uno palo soluendum
tantummodo. Item in Capo Mincio transitura debeat dare binos tremisses per
singulas naves; scamaritico uero nichil praeuidimus dare, sed libenter
transire praecipimus. Item in porto Brixiano riparios IV instituimus
secundum antiquum; decimas uero dare debeant sale modios quindecim, et palo
soluendum tremisse uno, et modio pensato de libris triginta cum ipsa decima
dare debeant. Item in porto qui uocatur Cremona praeuidimus confirmare duos
riparios; decima uero dare debeant sale modios XV, et tremisse uno palo
soluendum. Et qui uult sursum ascendere, det transitura solido medio; si
uenumdauerit ad quatuor, det pro medio tremisse modia dua, et si
uenumdauerit ad sex, modia det III; nam amplius non detur, nisi quod precia
posita fuerit. Et cum quale modio uenumdauerit, cum ipso decimas detur,
tantum est. Item porto qui appellantur Parmisiano praeuidimtis duos
confirmare riparios; ripatico uero et palo solitura simul in unum dare
praeuidimus solido uno, oleo uero libra una, garo libra una, piper uncias
duas. Item porto qui dicitur ad Addua riparios confirmare praeuidimus duos;
decima uero dare debeant sale modios duodecim et tremisse palo soluendum.
Simulque porto qui dicitur Lambro et Placentia qualiter Adda habuerit, hoc
et ipsi consentire debeant seu in ripariis quamque in decimis tantummodo.
|
